Veurwoord van de Vors

Leef luuj,

De vasteloavend 2021 kin helaas neet doorgoan op de, veur os es Nachtegale, bekinde wieze.

Door de corona motte ver helaas auch mit de vasteloavend effe pas op de plaats make,

helaas ut is neet angers, gezondjheid geit geweun baove alles.

Ut bestuur haet nog gekeke welke meugelikheje der woare om get te organiseren.
Helaas nao elke persconferentie van de grote ‘prins’ van dit landj, ginge sjteeds nuuj iedeeje de prullebak in.
Os leeje höbbe os es bestuur zelfs ‘carte blanche’ gegeave om, es get waal zou mooge,
te organisere zodet ver det den koste doon zonger teruukkoppeling te gaeve om tied te winne.
Helaas auch det moog neet zo zeen, guf waal aan wie betrokke iederein is om der same nog get van te make.

Des te sjooner is ut daorom det op dees website ein sjtukske historie te zeen is,
d.m.v. foto's en filmpkes oet de aaje doos.

Maar auch de toekoms is sjoon, mit weer nuuje prinse, nuuje adjudante enz.
Want veer hoape ech det veer volgend jaor weer enigszins normaal 't sjpeel van vastelaovend te kinne viere.
Veer haope éch det veer den weer op alle leeje, vriewilligers, sponsers, begunstigers ein beroep mooge
doon om dit neet veur os sjoon Azeraose gemeinsjap verlaore te laote gaon.

Dus veer zeen os volgend seizoen weer, gezondj en in grote getaale, op ein van de activiteite van
de Nachtegale, diej veer veur uch zeker gaon organisere.

Mit vastelaovendsgroete, Vors Ronald