Prins Dennis I Maessen

Adjudanten: Pieter Piepers & Cletus Dokter

De 53ste prins van de Nachtegale is nemes minder dan Dennis Maessen. Es prins Dennis I geit hae regeren mit de sjpreuk:

Mit vastelaovend zeuk ich de grens op!

Dennis is 35 jaor, al veul joare lid van de Nachtegale, getrouwd mit Marlou Roumen, papa van Bram, werkzaam biej ut Kadaster es assistent-projectleider en woonachtig in de nuujste sjtraot van Azerao namelijk Op de Maalberg. Zoals veul Azeroase jonges is Dennis zeer actief in ut verenigingslaeve. Zo wie gezag, is hae lid van de Nachtegale, maar auch secretaris en sjpelend lid van RKAVC. Hae voetbalt hiej in ut 3e elftal, wo hae sjteevas aangespraoke wird es "Ravanelli" zowel om zien scorend vermoge es om de kleur van zien wegtrekkende haorlien.  Dennis is in ein gries verlede auch Prins gewaes van de Zolderratte, en is daonao auch nog actief besjtuurslid van dees vereniging.

Es adjudante haet hae gekoze veur Pieter Piepers en Cletus Dokter.

Pieter Piepers
Pieter, 34 jaor, net zoals Dennis al meerder jaore lid van de Nachtegale. Hae is getrouwd mit Kelly en papa van Femmy en Youri. Auch Pieter is actief in ut 3e elftal van RKAVC maar in taegesjtelling toet Dennis probeert hae de balle taege te haaje. Pieter en Dennis zeen al vrunj sinds de kleutersjool en auch Pieter is lid gewaes biej de Zolderratte. Euverdaag is hae werkzaam biej ut opsjlaagdepot van de Aldi.

Cletus Dokter
Cletus, 35 jaor, is de "maagd" van dit trio. In de Azeroase vastelaovend is hae net gewind of Dennis sjleurt um al mit in deze gekte. Det Cletus "nachwerk" gewind is, bliek oet zien eerdere baan es barman biej Cafe King George. Cletus woont same mit Sandra sinds enkele maondje op de Maoldersjtraot in Azerao. En waas eigelijk van plan rustig te winne aan de durpse omgaeving. Cletus is eine vergenigingsman op en top want veurdet der in Azerao woonde waas hae al actief biej ut 3e team van RKAVC. In ut dagelijks laeve is Cletus werkzaam biej SCR es glazewasser.