Nachrätjes  

Ut nuuje prinsepaar van de Nachratjes is oetgerope op de kienjermiddig op zunjig 29 jannewari 2012 en zeen Prins Justin I (Krispijn) en Prinses Lisa (Geuns). Ze gaon dit jaor de Nachratjes veur mit de sjpreuk: "Eeder zien gebrek, os is nieks te gek"

Historie

2011 Prins David I (Sauer) en Prinses Alisha (Teeven)

Mit David en Alisha es prins en prinses, waert deze carnaval ein sucses!

2010 Prins Jari I (Cranssen) en Prinses Naomi (Driessen)

"Dit sjpel sjpele veur same".

2009 Prins Mike I (Cox) en Prinses Elisa (Diels)

Mit dans en bal viere veur carnaval

2008 prins Tom 1 (Cox) en prinses Selina

Met tom en selina in de sjpits geit de vastelaovend wie eine flits

2007 Prins  Jordy 1 Sensen en Prinses Vera Aarts
met Jordy en Vera veurop weart de vastelaovend top

2006 Prins Joran 1 Aben en Prinses Marit Suntjens

2005 Prins  Brian 1 Rademakers
met dit sjpook veurop weart de vastelaovend top

2004 Prins Maikel 1 Heber
binne de liene, zonger gebit, zin de nachratte topfit

2003 Prins Pascal 1 Van Den Hurck
Es de Zölderratte komme, Zin De nachratte allang begonne

2001-2002 Prins Bas 1 Clercx 
Miene wins , Nachratteprins

De nachrätjes zeen opgericht op 29 januari 2002, door Francien van den Hurck, Jan van Dijk † en Ine Clercx. Ze hubbe de Nachrätjes opgericht veur heur kienjer. De vaders zoote biej de Raod van Ellef van de Nachtegale. Ut idee waas dus om van de kienjer kleine Nachtegale te make.  Maar toen kwaam emes op ut idee om de name van beide jeugdvereniginge same te voege. De naam Nachrätjes waas gebaore.

In ut begin van de Nachrätjes besjtong de raod oet de kienjer van de raod van de Nachtegale. Dit ware onger angere: Dennis van den Hurck , Pascal Van Den Hurck, Kevin Van Dijck, Brian Rademakers en Bas Clercx. Later waerde dit auch kienjer van boete de vereniging omdet ze vonje det de Raod erg klein bleef en ze meer kienjer wilde sjtimulere veur ut verenigingslaeve in Azerao. De jeugd haet tensjlotte de toekoms.

In ut eerste jaor lepe de Nachrätjes in aaj jeskes van de Zölderratte en mutse van de Nachtegale. Nao ut vastelaoves seizoen hubbe ein paar aajers zich biejein geraap en zeen capes gaon neije in de kantine van eierfabriek Süntjens. Auch waerde der nuuj mutjes aangesjaf, betaald door de Nachtegale.

De eerste Prins is niet oetgerope maar gemaakt. Omdet Ton Clercx in ut jaor 2002 Prins waas van de Nachtegale, hubbe ze ziene zoon Bas Prins gemaakt. Deze Prins leep rondj in ein aad prinsepak van de Zolderratte. De eerste vorst van de Nachrätjes waas Pascal van den Hurck.  In ut volgende jaor waas der ein echt prinsoetrope op de kienjermiddig van de Nachtegale mit aanjloetend zelfs un echte receptie.