Historie

Historie

Oprichting Nachtegale 1959

Frits Smeets kump ter ore det de inkele jaore teveure opgerichte Tuinhagedisse oet Leeuwe haor pekskes verkaupe. Dit bringt hem op ut idee om in Azerao auch ein vastelaovesvereniging op te richte.

Frits Smeets, Harrie Diels en Wim Diels troffe zich zondaags morge altied in heur sjtamcafé Verheggen op ut Maolbrook. Hiej sjtelt Frits zien idee aan Harrie en Wim veur, ziej besjloete om ein vastelaovesvereniging op te richte.

Noe nog einde geschikte naam keeze. Der komme al direct suggesties zoals: Zandjhaes of Hagedisse.

Harrie kump mit de Nachtegale. Dit omdet eine nachtegaal eine kleine maar fijne vogel is en det pas sjoon biej Azerao omdet dit durp auch klein maar fijn is.

De eerste aovond wird gekaoze veur de toen zeer populaire bend “De Accordeonette”. Deze koste toen al ut zeer riante bedraag van 450 gulde. Es der ein tekort in de koste zou zeen zou ederein zien deil biejdrage.

Paul van Maen (Engelen) waerde oetgekaoze es eerste Prins van De Nachtegale. Es prinsepak fungeerde ein pak van sjötteriej en fluiterkorps van het Maolbrook. De prinsenmuts waerde gesjponsord door kastelein Thij Verheggen. De pekskes veur de Raod van Ellef waerde in Leeuwen gekoch en de koste hiejvan waerde veurgeschaote door ut fluiterkorps.

Nao de eerste aovend die hael good sjlaagde en wo-op versjillende gifte waerde ontvange, koste deeze al teruk waere betaald.

Klik hiej veur utreglement opgesteld in 1959.

Hiej onger inkele foto's oet verleje.

Veur meer aaje foto's en aad prinse klik op de link Aape. Hiej vindjt gaer ein oetgebreid euverzich.

De Nachtegale in 1960